Шүрәлеләр илендә (әкияти кыйсса)

Шүрәлеләр илендә булган хәл бу. Юк, юк, сүз Кырлай урманнарында яшәүче шүрәлеләр турында түгел. Без сөйләргә теләгәннәре бөтенләй башка шүрәлеләр – хәзерге заман шүрәлеләре. Зур гына бер илдә, куе урманнар эчендә яшәгәннәр алар. Шүрәлеләр иленең хуҗасы Текә маңгай үзен дөньяның кендеге кебек хис иткән: барлык шүрәлеләр берсүзсез аңа гына буйсынырга тиеш, дип уйлаган. Ил эчендә моның белән килешмәүчеләр дә булган. Һәм менә көннәрдән бер көнне... Хәер, бераз түзегез әле, барын да үзегез күрерсез.