Дәрдемәнд – шагыйрь-философ

Дәрдемәнд – шагыйрь-философ
Тарханова Гүзәлия 10 октябрь, 2009 - 22:26

Татар мәктәбенең 7 нче сыйныфында (рус мәктәбенең 10 сыйныфында) Закир Рәмиевнең (Дәрдемәнд) тормышын һәм иҗатын өйрәнү каралган. Үз чорының башка шагыйрьләреннән тормышы белән дә, иҗаты белән дә аерылып торган бу шагыйрь белән таныштырганда, мин күбрәк аның шәхесенә, гражданлык позициясенә игътибар итәм. Болай эшләгәндә, аның иҗатына анализ ясау, шагыйрьнең ни әйтергә теләгәнен аңлау күпкә җиңелрәк. Дәресемне мин шуларны исәпкә алып үткәрдем. Бу – беренче дәрес, вакытның күбрәк өлеше шагыйрьнең биографиясенә багышланганга күрә, берничә шигыре генә өйрәнелде. Икенче дәрестә дәреслектәге шигырьләре анализлана, беренче дәрестән соң бу укучыларга җиңелрәк бирелә.

ДӘРЕСНЕҢ ТЕМАСЫ. Дәрдемәнд – шагыйрь-философ.

МАКСАТЫ. 1. Шагыйрьнең тормыш юлы һәм иҗаты белән таныштыру; 2. Аерым шигырьләрен өйрәнү аша аның иҗатына хас үзенчәлекләрне аңларга ярдәм итү; 3. Дәрдемәнд иҗатына ихтирам тәрбияләү.

ДӘРЕСТӘ КУЛЛАНЫЛГАН МАТЕРИАЛЛАР. Портрет, Дәрдемәнднең “Исә җилләр” җыентыгы (Казан, Татарстан китап нәшрияты, 1980), Г. Тукай әсәрләре җыентыгы (1 нче том, 249, 380 нче битләр), “Мирас” журналы, 1994, №1 һәм №3, дәреслек.

Беркетелгән файлКүләме
Дәрдемәнд – шагыйрь-философ [3275]65.5 КБ

VK фикерләре

Фикер өстәү