Кырлай – шигърият мәккәсе

Максат: Тукай яшәгән урыннар белән таныштыру максатыннан Кырлайга     сәяхәт ясау; туган җиргә мәхәббәт тәрбияләү.

Бөек шагыйребезнең иҗади мирасын халыкка җиткерүдә төп рольләрнең берсен музейлар башкара. Андый музейлар Казанда, Кушлавыч, Яңа Кырлай авылларында бар. Габдулла Тукай “Исемдә калганнар” хикәясендә Кырлай турында: “Бу Кырлай авылы минем дөньяга иң элек күзем ачылган урыным, ” – дип язган.

Нәкъ Казан артында бардыр бер авыл – Кырлай диләр;
Җырлаганда көй өчен “тавыклары җырлай” диләр.
Ул авылның, – һич онытмыйм, – һәр ягы урман иде,
Ул болын, яшел үләннәр хәтфәдән юрган иде.