Беренче сентябрь

Тарханова Гүзәлия 1 сентябрь, 2010 - 16:41

Беренче сентябрь. Көзнең һәм көз белән бергә Яңа уку елының башлануын белдереп, җиз кыңгырау чылтырый. Бу чың мәктәп бусагасын әле яңа гына атлап кергән сабый балага да, инде чәчләренә ак кырау кунган өлкән яшьтәге укытучыга да бердәй тәэсир итә: күңелләрне кытыклап, каядыр ашкындыра, йөрәкләрдә әллә нинди өметләр уята, сөендерә. Бу көн әти-әниләрне дә битараф калдырмый. Алар да шундый ук шатлык хисләрен кичерә. Сабыйларына белем бирәчәк укытучыларга кочак-кочак чәчәкләр алып киләләр.

Әйе, күзләрдән яшь китерә торган иң тылсымлы бәйрәмнәрнең берсе ул 1 нче сентябрь. Әнә шундый уңай хисләр белән башланып киткән яңа уку елы барыбызга да уңышлар гына алып килсен иде.

Коллегаларым, һәрберегезгә дә сәламәтлек, гаилә бәхете телим, гел шатлыклар гына кичереп, рәхәтләнеп эшләргә язсын сезгә бу уку елында.

Сәлам белән Гүзәлия.

VK фикерләре

Фикерләр

Гөлназ исемле кулланучы сурәте

Амин, шулай булсын. Яңа уку елы белән, Гүзәлия апа!

Кунак исемле кулланучы сурәте

Bu izge eşegez hayırlı bolsın.

Bez yırak çit il millättäşlärgä citkergänegez öçen bik zur rähmät sezgä!

Uñışlar teläp

Bäxzat Aktaş

Türkiyä/İzmir