Бөек Җиңүгә 65 ел

Бөек Җиңүгә 65 ел
Тарханова Гүзәлия 8 май, 2010 - 22:03

Бөек Ватан сугышы һәр гаиләгә бетмәс-төкәнмәс кайгылар китергән. Минем әтиемнең ике абыйсы, әниемнең бер абыйсы сугыш кырында ятып калганнар. Бик күпләрнең вакытсыз өзелгән гомерләре хисабына яуланган бу Бөек Җиңү, шуңа күрә сугыш кырында ятып калганнарның каберләрен, ә исәннәрнең кадерләрен белеп яшик бу якты дөньяда.

Мәктәп балаларының Бөек Җиңүнең 65 еллыгына багышланган бәйгегә әзерләгән презентацияләрен күреп бик сөендем. Димәк, бүгенге балалар сугыш афәтен бөтен тулылыгы белән аңлыйлар. Җиңү китергән исемнәрен барлыйлар, искә алалар. Моның өчен аларга зур рәхмәт.

Бәйгедә җиңгән укучыларны һәм коллегаларымны котлыйм, уңышлар теләп калам. Бәйрәм белән барыгызны да!
 

VK фикерләре