Yaña büleklär

Qaderle qullanuçılarıbız!

Menä tağın ber şatlıqlı xäbär belän büleşer kön kilep citte. Saytta ike yaña bülek barlıqqa kilde. Berse – “İcadi video” bülege. Anda belem birüdä faydalı bulğan icadi eşlärem – videoproyektlarım urnaştırılaçaq. İkençese – “Şäxsi video”. Biredä tormışımda bulğan küñelle mizgellär, yaqın keşelärem (ayıruça, onığım) belän bäyle videofayllar urın alaçaq. Älege büleklärne saytnıñ asqı öleşendä taba alasız. 

“İcadi video” bitendä berençe eşem - “Tuqaylı balaçaq” fil’mı urnaştırıldı inde. Bu proyekt Ğabdulla Tuqaynıñ tormış yulına, icatına bağışlanğan bäygegä täqdim itelde. Älege fil’m sezgä dä uqu-uqıtu eşlärendä yärdäm bulır digän ömettä qalam.

İkençe bülekkä kilgändä, anda urnaşqan videolarnı yal itkän arada qararğa bula. Xäzerge waqıtta,  “Şäxsi video” bitenä kerep, onığım Bulat häm Milko isemle tutıy qoşım belän tanışa alasız.