Bolğar ilenä mädxiyä

Bolğar cire... Böyek babamnarnıñ
Kendek qanı monda tamğanmı?
Çal tarixtan kilgän danlı isem
Häm böyeklek istä qalğanmı?

Cawap birde miña İdel-Yortım:
Görläp torğan Bolğarstan cire.
Ağabazar, kärwansarayları belän
Tartıp torğan xazar, urıs ilen.
Säwdä bazarları görläp torğan,
Tulı bulğan aşlıq ambarları,
Küp tapqırlar Bolğar aç ülemnän
Yolıp qalğan küpme urıs xalqın.
Qala artı qala qalkıp çıqqan,
Mädräsäle xalıq alğa kitkän,
Şäreq belän osta säwdä itkän,
Danı anıñ yıraqlarğa kitkän.
Altın uqa, kömeş ceplär belän
Bizäklängän bolğar çitege
Urıs yawın tuqtatqanğa kürä,
Tarixlarda qalğan iseme.
Şulay diyär kebek İdel-Çulman:
Babalarıñ, ulım, böyek bulğan.
İzge cirneñ ruxın saqla, yaqla,
Onıtma, sin şunıñ öçen tuğan!

VK фикерләре

Fiker östäw