Fidaqär şäxeslär

G.İsxaqıy äsärlären xalqıbızğa kire qaytaruda iñ berençe başlap yörüçelär kemnär alar?

90 nçı yıllarda millätebez tağın ber kütäreleş çorın kiçerde. Tatar xalkınıñ böyek ulı, klassik yazuçıbız G.İsxaqıynıñ iseme tuğan ilebezgä kire qaytarıldı. 1919 nçı yıldan birle Watanıbızdan çittä yäşägän ğäziz millättäşebez ğömer buyı tuğan ilen sağınıp yäşägän, tatar xalkınıñ bäxetle buluwı öçen köräşüwen däwam ittergän. Barınnan da bigräk, G.İsxaqıynı millätebezneñ uqımışlılığı, mäğrifätle buluwı, telebezne häm imanıbıznı saqlap qalu mäs’äläläre qızıqsındırğan. Bolar bar da anıñ icatında da çağılış tapqan.

Ädipneñ äsärlären isän-imin kileş, ber genä fikerenä dä xilaflıq kitermiçä, tükmi-çäçmi niçek itep xalqıbızğa citkerergä? Alda änä şundıy ğäyät qatlawlı burıç tora ide ul çaqta. Bu äsärlärneñ çäçelep-sibelep, kübeseneñ çit illärdä taralıp yatuwı, alarnıñ ğäräp xärefläre belän yazılğan buluwı da eşne qatlawlandıra ide. Bu awır häm çeterekle eşkä alınırğa teläwçelär bulırmı? Äye, tabıldı andıy keşe. Ul waqıtta çişä almaslıq bulıp toyılğan bu problemalarnı xäl itärgä alınğan igelekle şäxeslärebezneñ berse Lena Ğaynanova buldı. Kem ul?

Tizdän bez sezgä anıñ bu fidaqär xezmäte turında söylärgä tırışırbız.