Sirayeva Aygölneñ fälsäfi uylanuları (Mödärris Äğlämov tarafınnan bik yaxşı bäyälängän ide)

***
Sarı tösne sağış, dilär –
Işandırmıy.
Sarı çäçle mäxäbbätem –
Işanıçım.

***
Barça dönyä mineke dip
Uylama sin!
Min – dönyänıñ ber kisäge –
Sineke tügel!

***
Qayberäwlär, yıllar uzğaç,
Şağıyr bula.
Nişläsen ul, şağıyr bulıp tuğaç menä.

***
Härber närsä anı xäterlätä.
Onıtırğa teläp qaçıp kitäm –
töşkä kerä.

***
Uñdırışlı buldı tufraq – orlıq şıttı.
Äytte süzen şağıyr –
Xalqı ottı.

***
Böyeklär härçaq ğadi bula,
diyep öyrättelär mine.
Min ğadiyen-ğadi, tik
böyek belän nikter tiñlämilär.

***
Yazğı tañda torıp, qoyaş bügen,
Söyenä-söyenä, altın nurın sipte.
Qarañğılıq erep yuqqa çıqtı,
Cihan isä şatlığınnan balkıp kitte.

Yäşlek tä bit, köläç qoyaş sıman,
Yäm häm şatlıq taratadır barçabızğa.
Qartlıq isä kürä: waqıtsız qunaq ul
Yäşnäp kilgän yäşlek qarşısında.

VK фикерләре